Священный Синод утвердил тропарь, кондак и молитву преподобномученику Никону (Беляеву)

13 апреля 2021 года в Тронном зале Патриаршей и Синодальной резиденции в Даниловом монастыре в Москве Святейший Патриарх Московский и всея Руси Кирилл возглавил первое в этом году заседание Священного Синода Русской Православной Церкви.

Одним из постановлений Священного Синода стало утверждение к общецерковному богослужебному употреблению (Журнал №13) тропаря, кондака и молитвы преподобномученику Никону (Беляеву), который входит в Собор Новомучеников и исповедников Соловецких.

Память святого совершается 27 ноября / 10 декабря и 13 / 23 августа.

Тропарь, глас 4: Преподобномучениче Никоне/ Учителю премудрый и пастырю добрый,/ ты, во дни гонений, на Церковь Русскую  воздвигнутых,/ стадо Христово добре сохранити потщался еси,/ проповедании верныя укрепляя/ и к Царству Небесному управляя./ Темже, лютыми мучители смерти предан быв,/ ныне пред Престолом Божиим предстоиши,/ преподобномучениче Никоне,/ венец победный от  Христа Бога приял еси,/ Егоже моли Отечеству нашему в мире сохранитися/ и спастися душам нашим.

Кондак, глас 7: Пастыреначальника Христа спасительныя заповеди возлюбивый,/ данную ти паству добре упасл еси,/ преподобномучениче Никоне,/ и за Христа исповедания веры страдания и смерть приял еси./ Сего ради, яко имеяй дерзновение ко Господу,/ моли даровати нам мир и  милость велию.

Молитва

О, святый преподобномучениче Никоне, пастырю добрый и веры твердый исповедниче и ревностный проповедателю! Ты во дни гонений на Церковь Русскую усердно паству твою наставляя, страдания и смерть за Христа претерпел еси. И ныне, Невечерним Светом осияемь, вечныя блаженныя жизни наслаждаешися. Мы же, во тьме грехов сущии и, яко трости, ветром колеблемии, от всех искушений мира сего на ны воздвизаемых, обуреваеми есмы люте. Темже молим тя, яко молитвенника тепла и служителя пред Престолом Божиим благоприятна: испроси нам от Христа Бога нашего веры Православныя укрепление, Отечества нашего утверждение, мира умирение, ересей и расколов искоренение, обители твоей во всем благое устроение, юным наставление, от напастей бесовских избавление, грехов и прегрешений наших прощение. Ей, святче Божий, умоли Господа Сил Царствия Небеснаго наследие нам улучити и со всеми святыми воспевати Единаго Бога, в Троице славимаго, Отца и Сына и Святаго Духа во веки веков. Аминь.